Lo Partit Occitan sosten la manifestacion organizada per un collectiu « Fasem las carrièras occitanas » los 25 e 26 d'octobre a La Vila (Vilafranca de Roergue) e la creacion de l'associacion "Pour que vivent nos langues" a Baiona.
Lo P.ÒC apèla a participar a la manifestacion "Fasèm las carrièras occitanas" a La Vila e ajuda a son organizacion, subretot al passacarrièra que se debanarà lo dissabte 25 a comptar de 14 h. La reconeissença de la lenga, los drets a la difusar, a la parlar e a la desvolopar, a li donar una plaça dins l'espaci public son fòrça importants. Es un element màger dins la defensa dels drets democratics.
Aquela iniciativa s'exprimís de faiçon clara dins la vila ont Joan Petit e los crocants reivindicavan tanben. Lo comitat d'organizacion dins sa crida ditz que : « dempuèi 2015, e la darrièra manifestacion Anem Òc, avèm pas agut l’escasença de mostrar per carrièra la volontat populara d’accès a la lenga occitana. Pr’aquò, l’enveja e la necesitat i son encara.Dels Alps italians fins a la Mar Granda, recampem-nos. Balhem de vam, a un moviment que sosten l’idèa qu’avèm besonh de diversitat culturala tant coma de diversitat ecologica o umana(...) Mai un pòble pòrta collectivament sa cultura, mai es capable de s’organizar, de crear, d’aculhir e de partejar. Manifestacion, discutidas, cantadas, concèrts, vilatjòts dels diferents païses occitans, passacarrièra…
Un collectiu que se tòrna en associacion
Lo collectiu « Pour que vivent nos langues » passa a la velocitat superiora. Los 24 e 25 d’octobre, a Baiona, se constituïrà en associacion lei 1901 per « afortir son accion e sos mejans dins la lucha pels dreches lingüistics individuals e collectius dels locutors de las lengas dichas regionalas (ensenhament, mèdias, preséncia e usatge dins la vida publica) » çò ditz son comunicat.
Representarà d'estructuras associativas regropant d'estructuras de l'ensenhament public e associatiu, aital coma dels mitans culturals per l'occitan-lenga d'òc, lo basc, lo breton, lo catalan, lo còrs, lo flamenc occidental, l'alemand estandard e dialectal alsacian e mosellan, lo savoiard, las lengas d'oil dont lo gallo, lo peitavin-santongés e lo picard. Los sòcis considèran (legitimament) que l’Estat francés « malgrat las mesas en garda de l'ONU e del Conselh d’Euròpa, pren pas las mesuras e balha pas los mejans necessaris a la salvagarda e a la transmission del patrimòni immaterial millenari que son las lengas e las culturas nòstras ».
Lo lançament d'aquela estructura novèla se debanarà en dos temps :
- Divendres 24 d'octobre : taula redonda « Dreches lingüistics e encastre juridic : ont ne sèm 4 ans aprèp lo vòte de la lei Molac ? » a la Cambra de comèrci de Baiona a partir de 14 H 30 (veire lo programa amb lo ligam aicí)
- Dissabte 25 d'octobre : amassada constituenta de l'associacion que lo sèti ne serà a Baiona
Lo Partit occitan saluda aquela novèla etapa dins las accions en favor de las lengas e culturas ditas regionalas. Tota estructuracion d’aquela mena es la benvenguda quand s’agís de far pression sus l’Estat francés per que tenga sos engatjaments, que ne bat de longa la rampelada quand pertòca pas son pròpre territòri.
Partit Occitan, lo 20 d’octobre de 2025
Inf . : https://www.carrieras-occitanas.eu / www.pourqueviventnoslangues.org
(Version française)
Le Partit Occitan soutient les initiatives en faveur de la langue et de la culture occitanes !
Le Partit Occitan soutient la manifestation organisée par le collectif « Fasem las carrièras occitanas » les 25 et 26 octobre à Villefranche de Rouergue et la création de l'association "Pour que vivent nos langues" à Bayonne.
Le PÒc appelle à participer à la manifestation "Fasèm las carrièras occitanas" à Villefranche de Rouergue et aide à son organisation, surtout pour cortège qui s’élancera le 25 à partir de 14h.
La reconnaissance de la langue, les droits à la diffuser, à la parler et à la développer, à lui donner une place dans l’espace public sont très importants. C’est un élément majeur dans la défense des droits démocratiques.
Cette initiative s’exprime de façon claire dans la ville où Joan Petit et les croquants ont revendiqué eux aussi.
Dans son appel, le comité d’organisation dit que « depuis 2015 et la dernière manifestation Anèm òc, nous n’avons pas eu l’occasion de montrer dans la rue la volonté populaire pour l’accès à la langue occitane. Cependant, l’envie et la nécessité demeurent. Des Alpes italiennes jusqu’à l’océan Atlantique, rassemblons nous. Impulsons un mouvement qui soutient l’idée que nous avons besoin de diversité culturelle, tout comme de diversité écologique ou humaine. (...) Plus un peuple porte collectivement sa culture, plus il est capable s’organiser, de créer, d’accueillir e de partager. Manifestation, discutions, cantèras, concerts, villages des différents pays occitans, cortège …"
Un collectif qui devient une association
Le collectif « Pour que vivent nos langues » passe à la vitesse supérieure. Les 24 et 25 octobre, il se constituera en association loi 1901 pour « renforcer son action et ses moyens dans la lutte pour les droits linguistiques individuels et collectifs des locuteurs de langues dites régionales (enseignement, médias, présence et usage dans la vie publique) » selon son communiqué.
Elle représentera des structures associatives regroupant des structures de l’enseignement public et associatif, ainsi que du milieu culturel pour l’occitan-langue d’oc, le basque, le breton, le catalan, le corse, le flamand occidental, l’allemand standard et dialectal alsacien et mosellan, le savoyard, les langues d’Oïl dont le gallo et le poitevin-saintongeais et le picard. Leurs membres considèrent (légitimement) que l’État français « malgré les mises en garde de l’ONU et du Conseil de l’Europe, l’État français ne prend pas les mesures et ne donne pas les moyens nécessaires à la sauvegarde et à la transmission du patrimoine immatériel millénaire que sont nos langues et nos cultures ».
Le lancement de cette nouvelle structure se déroulera en deux temps :
- Vendredi 24 octobre : table ronde « Droits linguistiques et cadre juridique : où en est-on 4 ans après le vote de la loi Molac ? » à la Chambre de commerce de Bayonne à partir de 14 H 30 (voir le programme en lien ici),
- Samedi 25 octobre : assemblée constituante de l’association dont le siège sera à Bayonne.
Le Partit Occitan salue cette étape nouvelle dans les actions en faveur des langues et cultures dites régionales. Toute structuration de ce genre est la bienvenue quand il s’agit de faire pression sur l’État français pour qu’il tienne ses engagements dont il bat continuellement le rappel quand cela ne concerne pas son propre territoire.
Inf . : https://www.carrieras-occitanas.eu / www.pourqueviventnoslangues.org