La darrièra campanha de comunicacion de la municipalitat RN de Carcassona... fòrça subtila (DR)
Las posicions del RN tocant a las lengas ditas regionalas, lor desvolopament, lor promocion, lor difusion, lor ensenhament… las coneissèm. Son opausats a qualque co-oficialitat que siá coma o an fait saber quand Serge Letchimy (president del conselh executiu de la Collectivitat de Martinica) demandèt la cooficialitat per la lenga creòla.
Marine Le Pen, que s’èra ja opausada a la senhalizacion bilingüa, s’es tanben opausada a l’ensenhament de las lengas ditas regionalas dins l’entre-dos torns de la presidenciala de 2022. « Lor aprentissatge pausa pas cap de problèma, a condicion que se faga dins lo parascolar o lo mitan associatiu. Pas a l’escòla que se deu concentrar sus l’ensenhament dels sabers fondamentals »
(sorsa : Ouest France).
Pauc de temps après aver presas de municipalitats novèlas (Carcassona, Castras, Carpentràs, Montauban, La Sanha, Niça, etc.) los conses RN e UDR marcan lors territòris. Lors ciblas primièras : las associacions, lo sector cultural al sens larg o encara las organizacions sindicalas.
Per çò qu’es de las associacions, las chifras son eloquentas. Dins 90% dels cases, l’arribada d’un conse RN rima amb una diminucion drastica del nombre d’associacions subvencionadas per la comuna (sorsa : Le Poing). Atal, dins la ciutat de Morieras d’Avinhon, aquel nombre a baissat de 17% ; a Bedarrida-en-Provença, de 33% … lo recòrd absolut es tengut per la municipalitat d’Aurenja ont l’extrèma-dreta es als afars dempuèi 31 ans amb una baissa de 70% !!!
Lo sector de la cultura es lo primièr a patir de las curas d’austeritat impausadas pels conses RN. Lor accion es menada en dos temps. Primièr temps : division per dos (a còps mai) de las subvencions. Segond temps : ingeréncia dins la programacion de las estructuras culturalas. A Morieras, la companhiá de teatre Okkio a perdut sa (magra) subvencion de 2500 euros versada per la comuna e poguèt pas mai dispausar de locals municipals.
D’unes conses RN frescament elegits se congostan de gerir la vila amb una brutalitat descomplexada. Lo novèl conse de Carcassona, Christophe Bartès, multiplica las mesuras d’exclusion, al pròpre coma al figurat. Aprèp la manifestacion contra l’extrèma dreita impulsada per de joves, lo conse ordonèt lo retrait dels locals municipals als sindicats que l’an sostenguda, a saber la CGT, la CFDT, la FSU e Solidaires. Alan Roch fa lo triste inventari de las mesuras presas pel sénher Bartès dins Jornalet, ne vos recomandam la lectura.
Tot batut e rebatut, l’arribada potenciala de l’extrèma-dreta a la « foncion suprèma » deu èsser un lagui permanent per totes las e los que trabalhan en favor de la lenga e de la cultura occitanas.
Lo Partit Occitan apèla totas las militantas e totes los militants de la cultura e de la lenga occitana a prendre en compte lo perilh que representa l’extrèma dreta per tot çò qu’an bastit dempuèi mai de cinquanta ans.
Culture : les maires RN marquent leurs territoires.
Les positions du RN à propos des langues dites régionales, leur développement, leur promotion, leur diffusion, leur enseignement… nous les connaissons. Is sont opposés à quelque co-officialité que ce soit, comme il l’ont fait savoir lorsque Serge Letchimy (président du conseil exécutif de la Collectivité de Martinique) a demandé la co-officialité pour la langue créole.
Marine Le Pen, qui s’était déjà opposée à la signalisation bilingue, s’est aussi opposée à l’enseignement des langues dites régionales dans l’entre-deux tours de la présidentielle de 2022. « Leur apprentissage ne pose aucun problème, à condition qu’il se fasse dans le parascolaire ou le milieu associatif. Pas à l’école, qui doit se concentrer sur l’enseignement des savoirs fondamentaux ».
(source : Ouest France).
Peu de temps après les prises de nouvelles municipalités (Carcassonne, Castres, Carpentras, Montauban, La Seyne, Nice, etc.) les maires RN et UDR marquent leurs territoires. Leurs premières cibles : les associations, le secteur culturel au sens large ou encore les organisations syndicales.
En ce qui concerne les associations, les chiffres sont éloquents. Dans 90% des cas, l’arrivée d’un maire RN rime avec une diminution drastique du nombre d’associations subventionnées par la commune (source : Le Poing). Ainsi, dans la ville de Morières-lès-Avignon, ce nombre a baissé de 17% ; à Bédarrides, de 33%… le record absolu est détenu par la municipalité d’Orange où l’extrême-droite est aux affaires depuis 36 ans avec une baisse de 70% !!!
Le secteur de la culture est le premier à souffrir des cures d’austérité imposées par les maires RN. Leur action est menée en deux temps. Premier temps : division par deux (parfois plus) des subventions. Second temps : ingérence dans la programmation des structures culturelles. À Morières, la compagnie de théâtre Okkio a perdu sa (maigre) subvention de 2500 euros versée par la commune et n’a plus pu disposer de locaux municipaux.
Certains maires RN fraîchement élus se complaisent à gérer la ville avec une brutalité décompléxée. Le nouveau maire de Carcassonne, Christophe Bartès, multiplie les mesures d’exclusion, au propre comme au figuré. Après la manifestation contre l’extrême-droite impulsée par des jeunes, le maire a ordonné le retrait des locaux municipaux aux syndicats qui l’ont soutenue, à savoir la CGT, la CFDT, la FSU et Solidaires. Alan Roch fait le triste inventaire des mesures prises par Monsieur Bartès dans Jornalet, nous vous en recommandons la lecture.
Au final, l’arrivée potentielle de l’extrême-droite à la « fonction suprême » doit être un souci permanent pour toutes celles et tous ceux qui travaillent en faveur de la langue et de la culture occitanes.
Le Partit Occitan appelle toutes les militantes et tous les militants de la culture et de la langue occitanes à prendre en compte le péril que représente l’extrême-droite pour tout ce qu’elles et ils ont construit depuis plus de cinquante ans.