D'unes cridan a la dissolucion de l'Assemblada, d'autres a la demission del President de la Republica. Faribòlas ! La cinquena Republica, ja dins l'androna dempuèi mai d'un an, es incapabla de provesir una solucion viabla de governança.
Una dissolucion menariá a l'eleccion d'una Assemblada novèla semblant mai o mens a l'actuala e permetriá a cap de govèrn de foncionar. Un president novèl ? Fariá pas que dissòlvre l'Assemblada e n'arribariam a la meteissa resulta.
Coma l'a mostrat lo sondatge IFOP del 18 d'agost de 2025, los ciutadans reclaman una França mai federala atal coma un renfortiment del poder e dels mejans de las Regions. Es grand temps de dissòlvre, òc, mas pas l'Assemblada nacionala, es grand temps de dissòlvre la cinquena Republica !
Se de Regions dotadas d'un cèrt nivèl d'autonomia existissián, los psicodramas parisencs aurián una portada plan mens importanta e lo país poiriá contunhar a foncionar.
Pel Partit Occitan afrontam pas mai una simpla crisi politica mas una vertadièra crisi de regimi ! Apèla los ciutadans mas tanben las formacions politicas qu'o desiran a se mobilizar per enfin aver de lòcs de decision mai pròches e donc, n'acabar amb un centralisme qu'a fait son temps.
Partit Occitan lo 7 de setembre